Hitaveitan í einkarekstur?

Nú hafa íbúarnir á Suðurnesjum loksins farið að láta skoðun sína í ljós varðandi Hitaveitumálið. Það verður forvitnilegt út frá lýðræðislegum sjónarmiðum að fá vísbendingu um hver vilji landans sé í þessu máli. Vilja menn að hitaveiturnar verði áfram í opinberri eigu eða á að einkavæða þær? Það eru auðvitað kostir og gallar með báðum fyrirkomulögunum. Hægrimenn segja að á þeim mörkuðum sem að einkafjármagnið getur sinnt störfunum hagkvæmar (ódýrara) en opinberir aðilar þá eigi að  einkavæða. Vinstrimenn segja að viss þjónusta eigi að borgast með sköttum/verðlagningu sem sé í þágu almennings. Sitt sýnist hverjum.

 

Það er óumdeilt að verðlag á Íslandi er hærra á nær öllum mörkuðum miðað við þjóðir í kringum okkur. Nægir þar að nefna matvöru, lyf, fatnað, tryggingar, vexti og áfram mætti lengi telja. Það er einnig óumdeilt að á þeim mörkuðum þar sem hitaveitur hafa verið einkavæddar hefur verð farið stighækkandi. Nægir þar að nefna Englendinga og frændur vora Svía. Þeir sem hafa grætt á þessu eru auðvitað hluthafar félaganna sem hafa notið stórgróða í formi virðiskaukningu bréfa og aukinna arðgreiðslna. Þeir sem hafa borið hallan eru þá viðskiptavinir sem borga hærra verð og fá verri þjónustu þegar viðhaldi og fjárfestingum í netum s.b. "infrastrúktúr" er minnkað til að auka gróða félagsins.

Þannig að nú þarf landinn að fara að gera upp hug sinn. Vill hann segja upp húfu fjárfestans og kaupa bréf í orkufyrirtækjum og verða kapítalisti eða vill hann áfram vera "skattgreiðandi" þegar kemur að orkumálum? Dómurinn kemur innan skamms.

 

Á þriðja þúsund hafa undirritað áskorun