4x lægri verðbólga, 3x lægri vextir og stöðugri gjaldmiðill!

Það má byrja á þessum tölum. Bara að fara inn á heimasíðu seðlabankanna og skoða staðreyndir.

http://www.ecb.int/home/html/index.en.html

http://www.sedlabanki.is/

Viljum við halda í gjaldmiðil sem fer upp eins og eldflaug og niður eins og steinn? Geta Jón og Gunna virkilega gert upp heimilisbókhaldið við þannig aðstæður? Hversu margir vilja losna við verðtryggingu, hækkandi lán og "gengisfellingar"?

Það verður að fara að spyrja þessa "herra" alvöru spurningar. Og þeir þurfa að svara hvaða afleiðingar stefna þeirra mun hafa fyrir almenning til framtíðar.

Atburðir síðustu daga kalla á skýrari rök ESB-sinna

Athugasemdir

[Jón Jónsson, 9.10.2008 kl. 01:37]

Guðjón,

Það eru nú margir þessa dagana sem læra vaxtareikninginn annsi hratt þegar verðbæturnar  hrannast á lánin og og launin duga ekki fyrir afborgununum. 

Enginn að tala um að banna eitt né neitt. En tölurnar ofan eru blákaldar staðreyndir. Ekki hægt að horfa framhjá þeim. Og það að sífellt "fella" gengið sem þú ert svo hrifinn af eru flestar vestrænar þjóðir löngu hættar að gera því það er nefnilega ekki hægt þegar gjaldmiðlar ganga kaupum og sölum á markaði (gjaldmiðill settur á flot). Markaðurinn setur verðið á gjaldmiðli nú til dags en ekki Seðlabankinn eins og við höfum komist að á Íslandi á síðustu dögum. "Fastgengisstefna" Seðlabanka Íslands hrapaði á 2 dögum, enda hægt að stunda áhættulaus viðskipti sem hefðu sett Seðlabankann á hausinn ef það hefði verið haldið til streitu. Gengisfelling gerir einnig það að verkum að maður einangrar sig frá hinu raunverulega samkeppnisumhverfi, minnkar verðmætasköpun í þjóðfélaginu sem til lengdar enginn nýtur góðs af. (orðið gengisfelling var því vísvitandi sett í sviga og skrifað skáhalt því það er ekki hægt  að fella gengið. Gengið/Verðið getur aftur á móti styrkst eða veikst á markaði)

Það er hægt að skapa ný tækifæri þegar gömul glatast. Það er þannig sem við höldum áfram að skapa verðmæti. Hugvit, frjárfestingar í nýjum geirum, meiri framleiðsla úr núverandi geirum osfrv. Ekki bara horfa á kökuna eins og hún er...það er hægt að stækka hana líka og gera hluti betur ídag en ígær.

Síðan hefur fjármálaumhverfið á Íslandi tæpast verið þjáð af bullandi samkeppni og ekki var erlendum aðilum boðið að taka þátt í einkavinavæðingunni. Það er ekkert mál að bjóða upp á vöru og verðleggja hana þannig að enginn hafi áhuga á henni bara til að geta sagt að hún sé á boðstólnum. Ætli síðan óstöðugleikinn hafi ekki haft sitt að segja þegar bankarnir síðan verðlögðu vöruna?

Þegar maður óskar eftir skynsamlegri umræðu þarf maður einnig að leita sér upplýsingar  um hlutina svo hægt sé að setja þá í samhengi. Þá forðast maður einnig að blanda saman epplum og appelsínum.