Boltinn hjá stjórnvöldum - Er eh á vellinum?

Núna hafa afgerandi svör fengist við "séríslensku fjallabaksleiðinni" sem pólitíkusar hér á landi hafa ekki haldið vatni yfir í fáfræði sinni upp á síðkastið þeas er hægt að taka upp evru án aðildar að ESB og svarið er hátt og skýrt NEI!

Einnig hafa borist skilaboð um það að innganga  Íslands í ESB gæti gengið fjótt fyrir sig, ferlið gæti tekið uþb ár, þar sem Ísland þegar hefur samþýkkt um 75% af lögum ESB í gegnum EES samninginn.

Nú þarf ríkisstjórnin að fara að mynda sér skoðun á því hvað hún ætlar að gera. Eða ætlar hún að halda áfram að vísa í "stikkfrípappírinn" þeas stjórnarsáttmálann fræga þar sem segir að ekki verði tekin afstaða til ESB á kjörtímabilinu. Ætlar íslenska þjóðin að halda áfram að éta kjaraskerðingu eftir kjaraskerðingu án þess að fara segja sína skoðun. Bretar væru nú ekki lengi að taka til sinna ráða ef Pundið þeirra hefði fallið um 50%. Svo ekki sé talað um hagstjórn með 14 % verðbólgu.

Ríkisstjórnin hefur skyldu til að marka sér skýra stefnu. Til þess er þjóðin með hana í vinnu. Ef vilji hennar er að halda krónunni til frambúðar á hún að segja það. Ef vilji hennar er hins vegar að ganga í ESB og taka upp evru þá á hún einnig að segja það. Vandamálið er bara að það þorir enginn að segja neitt. Davíð og co eru með menn enn í heljargreipum. Það á að setja málið í nefnd og drepa það þannig og á meðan borga borgararnir brúsann fyrir feluleik stjórnmálamannanna. Ætli þeir noti bara ekki afsökun eins óvinsælasta ráðherra Evrópu áfram...."þú náðir bara ekki í mig"

Útilokað að taka upp evru

Athugasemdir

[Gáfnaljósið (IP-tala skráð) 24.9.2008 kl. 15:35]

Flóknara er þetta ekki. Stórkostlegt að hafa sent óskadreng íhaldsins skríðandi á hnjánum til Brussel í leit að svari við spurningu sem var augljóst ef vilji var til að "feisa" sannleikann. Málsmetandi menn innan ESB voru margbúnir að segja þetta. Hvernig ætti líka að segja vegfaranda í Róm eða Tallin að það væri gott og gilt að leyfa ríkri þjóð í framboði til Öryggisráðs SÞ að sleikja kremið af kökunni með þessum hætti.

[Jón Jónsson, 24.9.2008 kl. 15:54]

Mikið rétt!

Nú er bara spurningin, hvað gera menn næst? Þora menn að taka á málinu eða nota menn bara "Geirstaktíkina" og stínga höfðinu í sandinn og gera ekki neitt?

Hvað haldið þið?