4x lægri verðbólga, 3x lægri vextir og stöðugri gjaldmiðill!

Það má byrja á þessum tölum. Bara að fara inn á heimasíðu seðlabankanna og skoða staðreyndir.

http://www.ecb.int/home/html/index.en.html

http://www.sedlabanki.is/

Viljum við halda í gjaldmiðil sem fer upp eins og eldflaug og niður eins og steinn? Geta Jón og Gunna virkilega gert upp heimilisbókhaldið við þannig aðstæður? Hversu margir vilja losna við verðtryggingu, hækkandi lán og "gengisfellingar"?

Það verður að fara að spyrja þessa "herra" alvöru spurningar. Og þeir þurfa að svara hvaða afleiðingar stefna þeirra mun hafa fyrir almenning til framtíðar.

Atburðir síðustu daga kalla á skýrari rök ESB-sinna

Rekum Davíð!

Það kemur betur og betur í ljós að Seðlabankastóri þarf að víkja fyrr en síðar. Hann er bæði vanhæfur sem Seðlabankastjóri vegna hæfni miðað við alþjóðleg viðmið um Seðlabankastjóra og einnig vegna fortíðar sinnar sem forsætisráðherra. Seðlabankastjóri þarf að vera bæði hlutlaus og hæfur. Ljóst er að Davíð er hvorugt.

Hann var kominn langt út fyrir verksvið sitt þegar hann datt inn í gamla Forsætisráðherragírinn og mælti með Þjóðstjórn. Það er fordæmalaust að Seðlabankastjóri i vestrænu ríki tali með þessum hætti.

Davíð út úr Seðlabankanum og á eftirlaun svo við losnum við hann fyrir fullt og allt og það STRAX!!!!

Gjaldeyriskreppa á Íslandi?

Hinn "opinberi" sannleikur

Nú þegar Seðlabankinn er búinn að gera upp á bak þarf að fara að huga að sögubókunum. Þeir sem hafa stjórnað atburðarrásinni undanfarin ár eru ekki vanir að upplýsingar frá "hinum" aðilanum liggja fyrir og nú er óþægilega mikið af upplýsingum farið að liggja á glámbekk. Svo mikið að Seðlabankastjóri þótti ástæða til að kalla til fundar til að fara yfir hinn "opinbera sannleika" svo að allir væru nú með það á hreinu "hvað hefði gerst" ef einhver skyldi spyrja.

Eru einhverjir fleiri en ég sem finn megnan fnyk?

Hvenær er komið nóg?????

Hvað ætlar almenningur í landinu að láta ræna miklu af sér áður en hann gerir eh í málinu? Það sjást engin mótmæli. Eh hringja í Bylgjuna á daginn og kvarta og nokkrir blogga. Það er allt og sumt. Hvenær á að draga fólk til ábyrgðar? Hefur dollarinn, evran, norska krónan, svissnesski frankinn eða japanska yenið fallið eins og krónan. Svarið er nei.

Og á meðan á fólkið minna og minna í íbúðum og bílum. Ísland fer að verða þjóð leiguliða sem borgar mánaðarlega leigu til bankanna næstu 40 árin....þeas ef eh hefur vinnu eftir þetta alltsaman.

 

 P.s. Bendi hér á góða grein í Vísi um vanhæfi Seðlabanka. Þar kemur einnig fram að þeir svari ekki fyrirspurnum líkt og tíðkast víðast annars staðar. ÞETTA ER TIL SKAMMAR !!!!!!!!!!!!!!

Krónan á enn eftir að veikjast

Dabbi kóngur

Þessi táknræna mynd var tekin í gærkveldi þegar fundi lauk í Seðlabankanum. Þar sést bersýnilega hver það er sem heldur um stýrið. Frammí situr forstætisráðherra og afturí situr maðurinn sem varla sést lengur enda einn óvinsælasti ráðherra Evrópu, Árni Matt.

Það er ekki skrýtið að ekkert er gert í því að gera breytingar í Seðlabankanum. Því nú vita allir sem ekki vissu áður hver það er sem situr við róðrið. Dabbi ræður og enginn annar. Og ef enginn man eftir hinu fræga viðtali á stöð tvö um daginn þá sagði kóngurinn að ekkert yrði úr aðild Íslands að ESB fyrr en eftir 5 til 10 ár.

Gengið hefur fallið um 4.6% það sem af er degi og dugir nú hæð Dabba skammt því vísitalan er komin í 188.49.

Verður kóngurinn nokkurn tímann settur af eða situr hann til æviloka?

Ríkið eignast 75% í Glitni

Vanhæfir, heyrnarlausir og sjónlausir

Enn á ný virðist Seðlabanki Íslands hafa misst af lestinni. Spurningin er hvort að þessir menn séu í vinnunni yfirleitt. Gæti kannski verið að þráinn í honum Davíð hafi komið í veg fyrir að nokkur maður lyfti símtólinu til að tala við kollegana í löndunum í kríng? Hrokinn er líka svo yfirgengilegur að þeir svara heldur ekki nokkrum spurningum þrátt fyrir leitað sé eftir því úr öllum áttum.

Getur kannski verið að þeir viti ekki alveg hvað þeir eiga að gera? Seðlabankinn hefur lengi verið dvalarheimili fyrir afdankaða pólitíkusa og vanhæfnin er farin að skína í gegn því verðbólgumarkmiðið hefur ekki staðist nema í fáeina mánuði frá floti 2001. Bankaráð Seðlabankans er nú bara brandari í samanburði við önnur lönd. Í bankaráði sitja eftirtaldir:

Aðalmenn
Halldór Blöndal, formaður              (ómenntaður í hag-viðskiptafræðum á háskólastigi)
Jón Sigurðsson, varaformaður       (sprenglærður, Fil. kand. í þjóðhagfræði, tölfræði frá frá             

                                                    Stokkhólmsháskóla 1964, M.Sc. Econ. í þjóðhagfræði frá LSE 1967)

Erna Gísladóttir                             (Hagfræðingur frá University of Navarra, Global Executive MBA

                                                      program, IESE Business School)
Ragnar Arnalds                             (ómenntaður í hag-viðskiptafræðum á háskólastigi)
Hannes Hólmsteinn Gissurarson   (ómenntaður í hag-viðskiptafræðum á háskólastigi)
Jónas Hallgrímsson                       (Fann engar upplýsingar)
Sigríður Ingibjörg Ingadóttir          (hagfræðingur )

 

Svo er það Davíð Oddson sem er ómenntaður í hag og viðskiptafræðum á háskólastigi. Hann er þó fyrrv. borgarstjóri og var forsætisráðherra á einu mesta uppgangsskeiði þjóðarinnar. Ef maður ber þetta saman við helstu lönd þá sést að:

Stefan Ingves Seðlabankastjóri í Svíþjóð er Doktor í Hagfræði með langan starfsferil í peninga og fjármálastjórn.

Nils Bernstein Seðlabankastjóri í Danmörku er  Stjórnmálafræðingur.

Svein Gjedrem  Seðlabankastjóri í Noregi er Hagfræðingur (Cand.oecon. Universitetet i Oslo, 1975.) og á langan feril að baki í fjármálaráðuneyti Noregs.

Erkki Liikanen Seðlabankastjóri í Finlandi og stjórnarmarður i Evrópska seðlabankanum MSc í Hagfræði, Háskólinn í Helsínki 1975. M.a. Fyrrum fjármálaráðherra og heiðursdoktor við Tækniháskólann í Helsinki

Marvyn Allister King, Seðlabankastjóri í Englandi, menntaður í hagfræðum við Cambridge og Harvard, kenndi við Cambridge og Birmingham Uni, Prófessór við London School of Economics ásamt gesta Prófessor við Harvard og MIT.

Hin pólitíska tenging Seðlabanka Íslands er einnig langtum meiri heldur en gengur og gerist hjá þjóðunum til kríngum okkur en sjálfstæði og þekking er ein af hornsteinum trúverðugleika Seðlabanka. Á báðum þessum punktum stenst hinn Íslenski Seðlabanki einfaldlega ekki samanburð.

Er ekki kominn tími til að stokka upp?

Seðlabanki Íslands ekki með

Boltinn hjá stjórnvöldum - Er eh á vellinum?

Núna hafa afgerandi svör fengist við "séríslensku fjallabaksleiðinni" sem pólitíkusar hér á landi hafa ekki haldið vatni yfir í fáfræði sinni upp á síðkastið þeas er hægt að taka upp evru án aðildar að ESB og svarið er hátt og skýrt NEI!

Einnig hafa borist skilaboð um það að innganga  Íslands í ESB gæti gengið fjótt fyrir sig, ferlið gæti tekið uþb ár, þar sem Ísland þegar hefur samþýkkt um 75% af lögum ESB í gegnum EES samninginn.

Nú þarf ríkisstjórnin að fara að mynda sér skoðun á því hvað hún ætlar að gera. Eða ætlar hún að halda áfram að vísa í "stikkfrípappírinn" þeas stjórnarsáttmálann fræga þar sem segir að ekki verði tekin afstaða til ESB á kjörtímabilinu. Ætlar íslenska þjóðin að halda áfram að éta kjaraskerðingu eftir kjaraskerðingu án þess að fara segja sína skoðun. Bretar væru nú ekki lengi að taka til sinna ráða ef Pundið þeirra hefði fallið um 50%. Svo ekki sé talað um hagstjórn með 14 % verðbólgu.

Ríkisstjórnin hefur skyldu til að marka sér skýra stefnu. Til þess er þjóðin með hana í vinnu. Ef vilji hennar er að halda krónunni til frambúðar á hún að segja það. Ef vilji hennar er hins vegar að ganga í ESB og taka upp evru þá á hún einnig að segja það. Vandamálið er bara að það þorir enginn að segja neitt. Davíð og co eru með menn enn í heljargreipum. Það á að setja málið í nefnd og drepa það þannig og á meðan borga borgararnir brúsann fyrir feluleik stjórnmálamannanna. Ætli þeir noti bara ekki afsökun eins óvinsælasta ráðherra Evrópu áfram...."þú náðir bara ekki í mig"

Útilokað að taka upp evru

Læknir: Krónan er dauð - Davíð: Þvættíngur, hún er sprellifandi

Krónan er löngu dauð. Gjaldmiðill á að vera borgunarmeðal og á að geyma ákveðið verðmæti. Vandamálið með krónuna er að þú veist ekki dag frá degi hvert þetta verðmæti er og því vilja sífellt færri taka við henni og því er hún stórgölluð. Verðmæti hennar sveiflast eins og lauf í vindi. Hvernig á fólk að geta skipulagt líf sitt ef allt fer á hvolf þegar að næsti gustur blæs?

Ísland er minsta myntkerfi heims með fljótandi gjaldmiðil. Það hljóta allir að sjá að í hnattrænum heimi er óhagkvæmt að vera minstur meðal jafningja fyrir utan allan þann kostnað sem hlýst af því að vera með sjálfstæðan gjaldmiðil. Það kostar þjóðarbúið milljarða á ári bara í kostnað. Fyrir utan allt annað. Braskarar geta hæglega tekið stöður á móti krónunni vegna smæðar hennar. Getum við virkilega liðið að nokkrir braskarar í London, New York og Reykjavík geti kollsteypt heilu þjóðfélagi?

Markmið Seðlabankans með hækkun og lækkun vaxta er að stjórna verðbólgunni í landinu. Frá því að krónan var sett á flot árið 2001 þá hefur Seðlabankinn verið innan markmiðs í aðeins fáeina mánuði.

Trúverðugleikinn er enginn og fólk er löngu hætt að hlusta. Þá er nú kominn tími til að leggja niður þessa stofnun og hætta að styrkja afdankaða pólitíkusa sama hvaða flokki þeir tilheyra. Eða vill fólk halda áfram að horfa á lánin hækka og hækka og hækka?

Davíð segir að krónan muni ná sér

Aðgerðir í nágrannalöndunum gegn olíufélögunum - Íslendingar aðgerðalausir

Olíuverð heldur áfram að lækka á heimsmarkaði og verðið á Sweet Crude á NYMEX markaðnum er nú komið í rúma $96 á tunnuna eftir að hafa toppað í um $145 í júlí (Olíuverð á NYMEX) . Nemur því lækkunin um 34%.

Við þessu hafa olíufélögin í Svíþjóð brugðist og hafa lækkað verðið þessa vikuna um 0.7 SEK (0.5 á mánudag og 0.2 frá og með föstudeginum). Þetta er lækkun upp á 9.86 ISK eða rúmlega 5% verðlækkun á einni viku (verð statoil). Betur má ef duga skal en verðlækkunarferlið er hafið.

Norðmenn hafa hafið mótmæli gegn okurverði Olíufélaganna og nú er svo komið að Norges Automobil-Forbund mælir með því að fólk sniðgangi þær bensínstöðvar sem eru með hæstu verðin (Mótmæli í Noregi). 

Nú er bara spurningin....Ætlum við Íslendingar að láta vaða yfir okkur áfram eða verður einhver vakning hér á landi?

Mín spá er að lélegustu neytendur í heimi (við Íslendingar) látum áfram vaða yfir okkur á skítugum skónum um ókomna tíð.

 

Hráolíuverð lækkar eftir mikla hækkun í gær

Sænska módelið

Sanngirni og rafnrétti eru einhver mikilvægustu einkunnarorð í sænsku þjóðfélagi. Allir eiga að vera jafnir og hafa nokkurnveginn sömu laun, búa í raðhúsi, keyra um á 3gja ára gömlum Volvo, eiga 2 börn að meðaltali og einn hund.

Það eina sem Svíarnir virðast ekki hafa áttað sig á er að lífið er ekki alltaf sanngjarnt. Og allir fá ekki alltaf það sem þeir vilja. En samt er samfélagið gegnsýrt af allskonar reglum um hvað má og hvað má ekki gera í öllum mögulegum aðstæðum. Siðferðis postularnir eru allstaðar.  

En lífið er ekki sanngjarnt....þannig er það bara. Fólki er frjálst að gera það sem það vill (innan ramma laganna). Vonandi ber umboðsmaður sænska þíngsins gæfu til að segja stráksa og pabba hans frá því og kenna þeim um leið mikilvæga lexíu. Svo ég leyfi mér nú að sletta aðeins:

"Life is a bitch.....now get on with it.... :)"

Barnaafmæli veldur uppnámi í Svíþjóð