Sorglegt - Nei þýðir nei og enn er þörf á harðari viðurlögum gegn nauðgurum

Enn og aftur þurfa fórnarlömb nauðgana horfa upp á vanhæfni yfirvalda og úrelt viðurlög gegn þessum hrottalega glæp. Farbann er gamaldags úrræði sem ekki lengur á við í nútíma samfélagi þar sem fólk getur ferðast milli landa án vegabréfs eða áritana. Dómstólarnir eru einfaldlega ekki í takt við tímann. Þessi brot eru greinilega ekki helsta umræðuefni dómara í kokteilboðum. Þykir greinilega ekki nógu fínt.

Ekki  að undra að fjöldi nauðgana er ekki kærður vegna þess að sönnunarbyrðin er þung, viðurlögin  lítil og áhugi yfirvalda á að refsa gegn brotunum virðist vera lítill. Betra má ef duga skal.

Það er kominn tími til að vekja okkar ástkæru alþingismenn sem eru uppteknir við að ræða litrófið (bleikt og blátt) og mörg önnur ómerkilegheit og beina þeim á rétta braut því margir þeirra eru eins og dómararnir hreinlega heldur ekki í takt við tímann og líðandi stund. Það þarf að setja nýja löggjöf og það strax.

Hvenær ætlum við sem borgarar og samfélag að segja hingað og ekki lengra. Það er okkar skylda að koma þeim skilaboðum áleiðis með öllum mögulegum aðferðum. Skilaboðin eru skýr. Svona atburði og hegðun viljum við ekki hafa í okkar þjóðfélagi. Það er kominn tími til að við bregðast harðar við brotum sem þessum sama hver á í hlut. Nei, þýðir nei. Nauðgun er hrottalegur glæpur sem á að refsa fyrir með viðeigandi hætti en ekki með puttaslætti eins og í dag.

(Ýtið HÉR til að skoða eldri grein um sama málefni)

Annar Pólverji í farbanni úr landi

Athugasemdir

[Stebbi (IP-tala skráð) 17.12.2007 kl. 23:12]

Já, nú er það skeð, sem allir heilvita menn vissu að myndi ske. Þess verður áreiðanlega ekki langt að bíða, að Pólverjinn, sem ók á litla drenginn í Keflavík láti sig hverfa líka. Njóta þessir menn svona mikillar samúðar, að ekki megi geyma þá bak við lás og slá?

[Haffi (IP-tala skráð) 18.12.2007 kl. 11:10]

Já við tuðum og tuðum á einhverjum síðum , en svo gerir aldrei neinn neitt..

Held að Stöðin hafi tekið þetta nokk vel , Ha já Keyrum á þetta ! látum ekki bjóða okkur þetta...

"en er þetta ekki svo mikið vesen? " hmm jú" Æji förum bara heim.

Held þetta hafi verið einhvern vegin svona,

Þanngað til þess þjóð lærir að Gera eitthvað í verki og standa saman mæta og mótmæla svona eða gera einhvern fjandan annan en bara tuða, þá held ég þetta breytist ekkert.